«Համայնքի ղեկավարներ հանուն տնտեսական զարգացման» նախաձեռնությանը մասնակցությունը կամավոր է, և նախաձեռնության անդամների ստանձնած պարտավորություններն իրավաբանորեն պարտադիր չեն: Այդուհանդերձ, այդ պարտավորությունների կատարումն անհրաժեշտ է՝ անդամակցությունը շարունակելու համար: Տեղական տնտեսական զարգացման պլանը ժամանակին չներկայացնելու (Սկսնակ անդամներ) կամ Պլանի կատարման մասին ժամկետից ուշ զեկուցելու (Գործող անդամներ) դեպքում նախաձեռնությանն անդամակցությունը ավտոմատ կկասեցվի:

«Համայնքի ղեկավարներ հանուն տնտեսական զարգացման» նախաձեռնության քարտուղարությունը սերտորեն աշխատելու է մասնակիցների հետ և դիտարկելու է նրանց առաջընթացը: Քարտուղարությունը կարող է, իր հայեցողությամբ, որոշումներ կայացնել և բացառություններ կատարել անհատական դեպքերում՝ համադրելով մասնակցի ստանձնած պարտավորություններն ու գործադրած ջանքերը, ինչպես նաև արտաքին խոչընդոտների լրջությունը:

Ոչ: Դա հիմնական կարևոր դրույթն է, որ Պլանը պետք է մշակվի հենց համայնքի կողմից: Նախաձեռնությունը փորձագիտական աջակցություն կարող է տրամադրել միայն առանձին թեմաների/խնդիրների դեպքում, որոնք տվյալ տարածքի համար կարևոր նշանակություն ունեն և որոնց վերաբերյալ մասնակիցը չունի սեփական փորձ կամ գիտելիք:

«Համայնքի ղեկավարներ հանուն տնտեսական զարգացման» նախաձեռնության քարտուղարությունը պաշտոնական պահանջներ չունի Տնտեսական զարգացման գծով պատասխանատուի կարգավիճակի և տեղական ինքնակառավարման մարմնի հետ ձեռք բերված պայմանավորվածությունների վերաբերյալ: Այս տեսանկյունից բավական մեծ ճկունություն է թույլատրվում՝ ծրագրի մասնակից համայնքների չափերի և ինստիտուցիոնալ մեխանիզմի տարբերություններն արտացոլելու համար:
Այդուհանդերձ, պահանջվում է, որպեսզի Տնտեսական զարգացման գծով պատասխանատուն լինի՝ ա) համայնքի ղեկավարի կողմից լիազորված՝ նախագծի շրջանակում իր աշխատանքն իրականացնելու համար, բ) պատրաստ և ի վիճակի՝ մասնակցելու Ծրագրի կարողությունների ստեղծման միջոցառումներին, ինչպես նաև պատրաստ՝ փոխանցելու ստացված գիտելիքները տեղական այլ շահառուների, գ) հասանելի և արձագանքող «Համայնքի ղեկավարներ հանուն տնտեսական զարգացման» նախաձեռնության քարտուղարության թիմի հարցումներին և պահանջներին:

Քարտուղարությունը ենթադրում և ակնկալում է, որ «Համայնքի ղեկավարներ հանուն տնտեսական զարգացման» նախաձեռնության անդամակցության կարգավիճակը, ինչպես նաև համապատասխան արտոնություններն ու պարտավորություններն ավտոմատ կերպով կստանձնի տարածքային ավելի մեծ միավորն ու համապատասխան աշխատակազմը: Այն դեպքում, եթե նոր աշխատակազմը չողջունի Նախաձեռնությանն անդամակցությունը, ապա այն կարող է կասեցվել՝ Նախաձեռնության համապատասխան անդամ երկրի համակարգողին գրավոր դիմում ներկայացնելու միջոցով:

Պլանը դիտարկելու և հետադարձ կապի միջոցով այն գնահատելու համար նախատեսված ժամանակը մոտ 2 ամիս է: Այն պահից, երբ Նախաձեռնության մասնակիցը Պլանը ներկայացնում է գնահատման, Քարտուղարությունը պաշտոնապես հաստատում է, որ սկսել է գնահատման փուլը:

Քարտուղարությունը գիտակցում է Տեղական տնտեսական զարգացման պլանի իրականացմանն աջակցելու նպատակով ֆինանսական միջոցների տրամադրման կարևորությունը: Ուստի, հանձնարարվել է մասնակից բոլոր երկրներում համակողմանի ուսումնասիրել տեղական ինքնակառավարման մարմիններին հասանելի առկա ֆինանսական գործիքներն ու հնարավորությունները: Ուսումնասիրությունների արդյունքները հասանելի կլինեն 2017թ. վերջին: