«Համայնքի ղեկավարներ հանուն տնտեսական զարգացման» ծրագիրը Եվրոպական միության նոր նախաձեռնությունն է, որը գործարկվել է 2017թ. հունվարին Արևելյան գործընկերության շրջանակում: Ծրագրի Քարտուղարությունը գլխավոր գործադիր մարմինն է, որը պատասխանատու է տարածաշրջանում նախաձեռնության իրագործման համար:
Նախաձեռնության հիմնական նպատակն է աջակցել Արևելյան գործընկերության երկրների համայնքներին և նրանց ղեկավարներին՝ դառնալու տեղական մակարդակում տնտեսական զարգացման և աշխատատեղերի ստեղծման ակտիվ նախաձեռնող:
«Համայնքի ղեկավարներ հանուն տնտեսական զարգացման» նախաձեռնությունը մտադիր է վերածվել տարածաշրջանային պրոֆեսիոնալ համայնքի, որն իր անդամներից կպահանջի որոշակի հանձնառություններ՝ դրա փոխարեն երաշխավորելով փորձագիտական և կոլեգիալ աջակցություն, հաջողության պատմությունների մասին լայն իրազեկում, ինչպես նաև տնտեսական, քաղաքական օգուտներ և հեղինակության բարձրացում:
Նախաձեռնության մոտեցումը Ինչպես է աշխատում նախաձեռնությունը Ինչպես միանալ նախաձեռնությանըՆախաձեռնության մոտեցումը
«Համայնքի ղեկավարներ հանուն տնտեսական զարգացման» նախաձեռնության մոտեցումը հիմնված է հետևյալ նկատառումների վրա՝
- Ամբողջ աշխարհում մասնավոր հատվածը տնտեսական աճի և զարգացման հիմնական շարժիչ ուժն է:
- Բոլոր շրջանները, քաղաքներն ու բնակավայրերն ունեն յուրօրինակ առավելություններ, որոնք կարող են օգտագործվել աճը և զբաղվածությունը խթանելու համար:
- Պետություն-մասնավոր հատված երկխոսությունն ու գործընկերությունը՝ քաղաքացիական հասարակության ներկայացուցիչների ներգրավմամբ, տեղական տնտեսության ներուժի բացահայտման հիմնական գործոններն են:
- Տեղական ինքնակառավարման մարմինները բացառիկ հնարավորություն ունեն՝ նախաձեռնելու և իրագործելու «ներքևից վերև» գործողություններ, որոնք կխթանեն աճը:
- Շոշափելի արդյունքների հասնելու համար այս գործողությունները պետք է դիտարկվեն հետևյալ «հիմնասյուների» շրջանակում, որոնք մասնավոր աճի զարգացման հիմնական նախապայմանն են: Այդ «հիմնասյուներն» են՝
- Կարգավորման և ինստիտուցիոնալ շրջանակ,
- Ֆինանսական միջոցների հասանելիություն,
- Հող և ենթակառուցվածքներ,
- Հմտություններ ու մարդկային կապիտալ,
- Արտաքին դիրքավորում և մարքեթինգ:
- Տեղական ինքնակառավարման մարմինների կողմից տեղական տնտեսական աճը խթանելու ներքին մոտիվացիան, պատրաստակամությունը և բավարար ներուժը բնորոշ են հաջողված տեղական տնտեսություն ունեցող բոլոր տարածաշրջաններին: Այդ պատճառով, «Համայնքի ղեկավարներ հանուն տնտեսական զարգացման» նախաձեռնության մասնակցությունն ավտոմատ կերպով արտահայտվում է մասնավոր հատվածի աճը խթանող հետևյալ երկու հիմնական նախապայմանով՝
- Բիզնեսին աջակցող, թափանցիկ և առանց կոռուպցիայի վարչարարություն,
- Տեղական համագործակցություն:
Ծրագրի մանրամասները (հիմնական սկզբունքներն ու մոտեցումները) հասանելի են Հայեցակարգում.
