„მერები ეკონომიკური ზრდისთვის“ წარმოადგენს ევროკავშირის ახალ ინიციატივას, რომელსაც საფუძველი ჩაეყარა 2017 წლის იანვარში და ხორციელდება აღმოსავლეთ პარტნიორობის ფარგლებში. „მერები ეკონომიკური ზრდისთვის“ სამდივნო არის აღნიშნული ინიციატივის მთავარი აღმასრულებელი ორგანო, რომელიც უზრუნველყოფს მის წარმატებით განხორციელებას რეგიონში. ჩვენს მთავარ მიზანს წარმოადგენს აღმოსავლეთ პარტნიორობის ქვეყნების მერებისა და მუნიციპალიტეტების მხარდაჭერა, რათა მათ აქტიურად შეუწყონ ხელი ეკონომიკურ განვითარებასა და ახალი სამუშაო ადგილების შექმნას ადგილობრივად.

ჩვენს მთავარ მიზანს წარმოადგენს აღმოსავლეთ პარტნიორობის ქვეყნების მერებისა და მუნიციპალიტეტების მხარდაჭერა, რათა მათ აქტიურად შეუწყონ ხელი ეკონომიკურ განვითარებასა და ახალი სამუშაო ადგილების შექმნას ადგილობრივად.

ინიციატივა „მერები ეკონომიკური ზრდისთვის“ მიზანი და ამბიციაა გარდაიქმნას მასშტაბური ზომის პროფესიულ გაერთიანებად, რომელიც მთელ რეგიონს მოიცავს; ინიციატივა, მასში ჩართული წევრებისაგან, მოითხოვს აღებული პასუხისმგებლობის განუხრელად შესრულებას, თუმცა, ამავე დროს, სთავაზობს წვდომას ექსპერტულ ცოდნაზე, თანაბარუფლებიან მხარდაჭერასა და წარმატების ფართოდ გაზიარების შესაძლებლობაზე და ასევე, სხვა ისეთ მნიშვნელოვან სარგებელს, როგორიცაა ეკონომიკური, პოლიტიკური და რეპუტაციის გაუმჯობესების ხელშეწყობა.

ინიციატივა „მერები ეკონომიკური ზრდისთვის“ მიდგომა ეფუძნება შემდეგ მთავარ ასპექტებს:

• კერძო სექტორი მთელი მსოფლიოს მასშტაბით წარმოადგენს ეკონომიკური ზრდისა და განვითარების უმთავრეს მამოძრავებელ ძალას;
• თითოეულ რეგიონს, ქალაქსა თუ დასახლებულ პუნქტს აქვს უნიკალური და განსაკუთრებული ძლიერი რესურსი, რომლის განვითარების მეშვეობითაც შესაძლებელი ხდება ეკონომიკური ზრდისა და დასაქმების გაუმჯობესება;
• საჯარო და კერძო სექტორების დიალოგი და ურთიერთთანამშრომლობა, რასაც ემატება სამოქალაქო საზოგადოების წარმომადგენლების ჩართულობა - წარმოადგენს წარმატების ფორმულას ადგილობრივი ეკონომიკური პოტენციალის გამოვლენისა და გამოყენებისათვის;
• ადგილობრივ ხელისუფლებას აქვს ექსკლუზიური შესაძლებლობა წამოიწყოს და განახორციელოს განვითარებისათვის აუცილებელი ღონისძიებები, რომლებიც „ქვემოდან-ზემოთ“ პრინციპით გატარდება;
• ხელშესახები შედეგების მისაღწევად, ზემოთ ჩამოთვლილი ღონისძიებები საჭიროა ეხებოდეს და აერთიანებდეს რამდენიმე „თემატური ბლოკის“ საკითხს, რომლებიც წარმოადგენენ უმთავრეს ადგილობრივ წინაპირობას კერძო სექტორის ზრდისათვის:
  • საკანონმდებლო და ინსტიტუციური ჩარჩოები
  • წვდომა ფინანსებზე
  • მიწა და ინფრასტრუქტურა
  • უნარები და ადამიანური კაპიტალი, ინკლუზიურობა
  • გარეპოზიციონირება და მარკეტინგი
• წარმატებული ადგილობრივი ეკონომიკის მქონე რეგიონების გამაერთიანებელ მახასიათებელს წარმოადგენს ადგილობრივი ხელისუფლების მიერ გამოვლენილი ძლიერი მოტივაცია, მზადყოფნა და შესაბამისი შესაძლებლობები, რომლებიც მიმართულია ადგილობრივი ეკონომიკური ზრდისაკენ. ამგვარად, ინიციატივაში მონაწილეობა ნებაყოფლობითია და ეფუძნება შემდეგ ორ უმნიშვნელოვანეს წინაპირობას, რომელიც საჭიროა კერძო სექტორის ზრდისათვის:
  • ბიზნეს-მეგობრული, გამჭვირვალე და კორუფციისაგან თავისუფალი ადმინისტრაცია;
  • ადგილობრივი თანამშრომლობა და საქმიანი საკომუნიკაციო ქსელის აგება.

დამატებითი ინფორმაციის მოპოვება შესაძლებელია ინიციატივის „კონცეფციის“ (მთავარი პრინციპები და მიდგომები) დოკუმენტში.

მას შემდეგ რაც ქალაქი/მუნიციპალიტეტი ჩაერთვება ინიციატივაში „მერები ეკონომიკური ზრდისთვის“, რაც ხორციელდება „მერები ეკონომიკური ზრდისთვის“ სარეგისტრაციო ფორმაზე ხელის მოწერის მეშვეობით, „მერები ეკონომიკური ზრდისთვის“ სამდივნო იწყებს ხელმომწერი მუნიციპალიტეტის დახმარებას შემდეგი მიმართულებით:

• ხელმომწერი ქალაქის/მუნიციპალიტეტის პოტენციალის გამოვლენა არსებული ეკონომიკური მდგომარეობის გაუმჯობესების მიზნით;
• საჭირო ცოდნისა და უნარების შეძენა, რაც საჭიროა შესაძლებლობების განვითარებისა და პოზიტიური ცვლილებების მოხდენისათვის;
• „მორგებული“ გადაწყვეტების შემუშავება და ადგილობრივი ეკონომიკური განვითარების გეგმის მომზადება, რომელიც ამ გადაწყვეტების განხორციელებას შეუწყობს ხელს;
• ურთიერთშეთანხმებული და განვითარებისაკენ მიმართული ქმედებების განხორციელება და მიღებული შედეგების გაზომვა.
• ხელმომწერი მუნიციპალიტეტების წარმატების გაზიარება და პოპულარიზაცია და მათი შეთავაზება პოტენციური დონორებისა და ინვესტორებისათვის, რეგიონის მასშტაბითა და მის გარეთაც.

„მერები ეკონომიკური ზრდისთვის“ სამდივნო უდიდეს მნიშვნელობას ანიჭებს ხელმომწერ მუნიციპალიტეტებთან მჭიდრო თანამშრომლობასა და რეგულარულ პირად ურთიერთობებს. თუმცა, მიუხედავად პროექტის გეოგრაფიული არეალის მასშტაბურობის, „მერები ეკონომიკური ზრდისთვის“ წევრების განსხვავებული შესაძლებლობებისა და სამდივნოს შეზღუდული რესურსებისა - „მერები ეკონომიკური ზრდისთვის“ სამდივნო აკეთებს ყველაფერ შესაძლებელს, რათა ხელმომწერთათვის უზრუნველყოფილ იქნას „ინდივიდუალური სიჩქარის“ სამუშაო გარემო ინიციატივის ფარგლებში, რასაც ასევე, ხელს უწყობს ონლაინ რესურსები და ტექნიკური მხარდაჭერის სამსახური (Helpdesk). .

„მერები ეკონომიკური ზრდისთვის“ სამდივნოსთან თანამშრომლობის პრინციპების შესახებ დამატებითი ინფორმაციის მისაღებად, გთხოვთ, იხილოთ შემდეგი დოკუმენტი: „მერები ეკონომიკური ზრდისთვის” სამდივნოსა და ხელმომწერ მუნიციპალიტეტებს შორის თანამშრომლობის ძირითადი პრინციპები) .

აზერბაიჯანის, სომხეთის, ბელარუსის, საქართველოს, მოლდოვასა და უკრაინის მერებს შესაძლებლობა ეძლევათ ხელი მოაწერონ და ჩაერთონ ინიციატივაში „მერები ეკონომიკური ზრდისთვის“ იმ შემთხვევაში, თუ ისინი მზად არიან გაიზიარონ და ვალდებულებად აიღონ „მერები ეკონომიკური ზრდისთვის“ მთავარი პრინციპები, რაც მიზნად ისახავს თვითმყოფადი ადგილობრივი ეკონომიკური განვითარების პროცესის ხელშეწყობას; ასევე, შეიმუშავონ ადგილობრივი ფაქტორებით შთაგონებული გადაწყვეტები და დაიწყონ ამ გადაწყვეტების განხორციელება „მერები ეკონომიკური ზრდისთვის“ სამდივნოს ხელმძღვანელობითა და დახმარებით.

• გთხოვთ, გაეცნოთ ინიციატივის „მერები ეკონომიკური ზრდისთვის“ კონცეფციას (ძირითადი პრინციპები და მიდგომები), რომლის ტექსტი მოცემულია ყველა სამუშაო ენაზე და შეგიძლიათ იხილოთ შემდეგ ბმულზე.
• კარგად შეისწავლეთ ხელმოსაწერი გაწევრიანების ფორმა;
• დაუკავშირდით „მერები ეკონომიკური ზრდისთვის“ ინიციატივის ადგილობრივ კოორდინატორს თქვენს ქვეყანაში ტექნიკური მხარდაჭერის სამსახურის მეშვეობით ან ელექტრონული ფოსტისა და ტელეფონის გამოყენებით ( იხილეთ ჩვენი საკონტაქტო ინფორმაცია).